Pakkatilboð
Vörur sem eiga eðlilega saman eru settar í tilbúinn pakka með skýrum ávinningi. Viðskiptavinurinn fær einfaldara val og fyrirtækið selur fleiri vörur í sömu pöntun.
Shopify-vefverslun byggð til að selja meira
Við hönnum Shopify-verslanir sem gera fólki auðveldara að finna réttu vörurnar, treysta kaupferlinu og klára kaupin. Söluhvatar, pakkatilboð og snjöll krosssala hjálpa svo hverri pöntun að verða verðmætari.
[ MUNURINN ]
Falleg vefverslun er ekki nóg.
Þú getur keypt meiri umferð inn á síðuna, en ef fólk finnur ekki vöruna, treystir ekki næsta skrefi eða sér enga ástæðu til að kaupa meira verður stór hluti auglýsingakostnaðarins eftir á borðinu. Þess vegna hönnum við ekki bara útlitið. Við hönnum allt kaupferlið.
Hefðbundin vefsíðugerð
Lítur vel út við opnun
Áherslan er fyrst og fremst á liti, myndir og uppsetningu. Þegar síðan fer í loftið er verkefninu í raun lokið.
Marrland Shopify-verslun
Heldur áfram að vinna fyrir reksturinn
Útlitið styður markmiðið, en kaupupplifunin ræður ferðinni. Vörusíður, karfa, tilboð, tengingar og eftirfylgni eru hugsuð sem eitt sölukerfi.
[ TVÆR LEIÐIR TIL MEIRI SÖLU ]
Fáðu meira út úr umferðinni sem þú ert þegar að borga fyrir.
Söluvæn vefverslun vinnur stöðugt að tvennu: að fleiri gestir klári kaup og að hver viðskiptavinur finni fleiri vörur sem eiga raunverulega erindi í pöntunina.
01
Hærra kauphlutfall
Við fjarlægjum óþarfa núning úr kaupferlinu með skýrari vöruframsetningu, einfaldari leið að kauphnappnum, traustvekjandi upplýsingum og sterkri upplifun í síma. Því auðveldara sem er að velja og treysta næsta skrefi, því líklegra er að heimsóknin endi í pöntun.
Fleiri pantanir úr sömu umferð.
02
Meira virði úr hverri pöntun
Við byggjum inn eðlilegar ástæður til að kaupa meira í einu, til dæmis með pakkatilboðum, viðeigandi aukavörum og skýrum ávinningi við hærra pöntunarverð. Markmiðið er ekki að troða vörum í körfuna, heldur að hjálpa viðskiptavininum að velja heildstæðari lausn.
Verðmætari pantanir án þess að kaupa meiri umferð.
[ SÖLUHVATAR ]
Rétt ástæða, á réttum stað, á réttum tíma.
Söluhvati þarf ekki alltaf að vera afsláttur. Hann getur einfaldað valið, aukið upplifað virði eða minnt á vöru sem passar fullkomlega með því sem er þegar í körfunni. Við veljum aðeins þær lausnir sem eiga við um vörurnar, viðskiptavinina og framlegðina hjá hverju fyrirtæki.
Magn- og þrepaafslættir
Betra verð við tvö, þrjú eða fleiri stykki getur gert stærri kaup að augljósari ákvörðun án þess að lækka verðið fyrir alla.
Sjálfvirkir afslættir
Tilboðið reiknast sjálfkrafa þegar skilyrðin eru uppfyllt. Enginn kóði sem þarf að muna og minni hætta á að viðskiptavinurinn detti út úr kaupferlinu.
Frí sendingarmörk
Skýr framvindustika sýnir hversu lítið vantar upp á fría sendingu og gefur viðskiptavininum eðlilega ástæðu til að bæta einni viðeigandi vöru við.
Snjöll karfa
Karfan verður virkur hluti af sölunni með skýrri yfirsýn, viðeigandi viðbótum og næsta skrefi sem er alltaf auðvelt að finna.
Krosssala
Viðeigandi aukavörur eru sýndar með vörunni eða í körfunni þegar þær bæta raunverulega við kaupin, í stað handahófskenndra tillagna.
Uppfærsla á vali
Stærri pakkning, betri útgáfa eða heildstæðari lausn er kynnt á skýran hátt svo viðskiptavinurinn geti auðveldlega valið það sem hentar betur.
Gjöf með kaupum
Aukavara eða gjöf við ákveðið pöntunarverð getur aukið upplifað virði og hvatt til stærri kaupa án þess að setja allt vöruúrvalið á afslátt.
Áskrift og endurkaup
Fyrir vörur sem klárast reglulega getum við einfaldað endurkaup eða sett upp áskriftarleið sem sparar viðskiptavininum tíma og styður við stöðugri tekjur.
Og þetta er aðeins hluti af möguleikunum. Rétta uppsetningin ræðst alltaf af því hvað þú selur, hver kaupir og hvað þarf til að gera ákvörðunina auðveldari.
[ VÖRUSÍÐAN ]
Hver vara þarf að svara spurningunni: Af hverju ætti ég að kaupa þetta núna?
Góð vörusíða lætur viðskiptavininn ekki vinna fyrir upplýsingunum. Hún útskýrir ávinninginn, svarar efasemdum og gerir næsta skref augljóst, sérstaklega í símanum.
Skýr ávinningur strax
Viðskiptavinurinn skilur fljótt hvað varan gerir fyrir hann, ekki bara hvað hún er.
Réttar upplýsingar við kauphnappinn
Verð, valmöguleikar, sendingar og lykilatriði eru sýnileg þar sem ákvörðunin er tekin.
Traust áður en spurning vaknar
Umsagnir, svör við algengum spurningum og skýrir skilmálar draga úr óvissu áður en hún stöðvar kaupin.
Eðlilegt næsta val
Pakkar, magnval eða viðeigandi aukavara hjálpa viðskiptavininum að finna heildstæðari lausn.
Kauphnappurinn fylgir með í símanum
Mikilvægasta aðgerðin helst aðgengileg án þess að viðskiptavinurinn þurfi að leita aftur upp síðuna.
[ HÖNNUÐ FYRIR SÍMANN ]
Verslunin þarf að selja þar sem viðskiptavinurinn er.
Stór hluti viðskiptavina sér auglýsingu, skoðar vöruna og tekur ákvörðun í símanum. Þess vegna er farsímaútgáfan ekki minni útgáfa af tölvusíðunni. Hún er aðalupplifunin.
Við hönnum fyrir þumalinn: skýra leiðsögn, hraða vafraupplifun, læsilegar upplýsingar, einfalt vöruval og kauphnapp sem er alltaf innan seilingar.
Minni núningur í símanum þýðir færri ástæður til að hætta við.
[ MEIRA EN ÚTLITIÐ ]
Allur grunnurinn hugsaður sem eitt sölukerfi.
Nákvæmt umfang fer eftir verkefninu, en við skoðum alltaf hvernig verslunin, gögnin og markaðssetningin þurfa að vinna saman frá fyrsta degi.
Stefna og kaupferli
Við skilgreinum markhópa, mikilvægustu vörurnar og leiðina frá fyrstu heimsókn að pöntun.
Hönnun og Shopify-uppsetning
Við byggjum hraðvirka, faglega og notendavæna verslun sem passar við vörumerkið.
Vörur, flokkar og leiðsögn
Við gerum vöruúrvalið auðveldara að skilja, skoða og kaupa, jafnvel þegar vörurnar eru margar.
Greiðslur, sendingar og tengingar
Við tengjum þau kerfi sem verkefnið þarf og prófum að leiðin frá körfu að staðfestri pöntun virki eðlilega.
Mælingar og markaðsgögn
Við setjum upp nauðsynlegar mælingar svo hægt sé að sjá hvað virkar og nýta gögnin í markvissari auglýsingar.
Póstlisti og sjálfvirk eftirfylgni
Þegar það á við tengjum við skráningar, yfirgefna körfu og sjálfvirk póstflæði svo sambandinu ljúki ekki við fyrstu heimsókn.
Innifalið umfang og kerfistengingar eru alltaf skilgreind skýrt í tilboði áður en verkefnið hefst.
[ VALIN SHOPIFY-VERKEFNI ]
Reynsla sem sést í smáatriðunum.
Við höfum byggt og þróað Shopify-verslanir fyrir ólík vörumerki, vöruúrval og kaupferli. Hvert verkefni fær sína lausn, en markmiðið er alltaf það sama: að gera auðveldara að versla.
SHOPIFY · KAUPFERLI · PÓSTLISTI
Feed the Viking
Við endurhönnuðum Shopify-verslun Feed the Viking með skýrari vöruframsetningu, einfaldara kaupuflæði og sterkari tengingu við sjálfvirka póstlista- og markaðssetningu.
Skoða Feed the Viking
SHOPIFY · KERFISFLUTNINGUR · MÆLINGAR
Eylíf
Við færðum vefverslun Eylíf úr WooCommerce yfir í Shopify og byggðum upp nýjan söludrifinn grunn ásamt gagnaflutningi, áskriftartengingum og mælingum.
Skoða Eylíf
SHOPIFY · VEFHÖNNUN · PÓSTLISTI
Hafkalk
Við færðum Hafkalk úr eldra kerfi yfir í Shopify og byggðum upp nútímalegri verslun með skýrara vöruúrvali, einfaldara kaupuflæði og tengingu við póstlistann.
Skoða Hafkalk[ FERLIÐ ]
Frá hugmynd að verslun sem er tilbúin að vinna.
- 01
Við skiljum reksturinn
Við förum yfir vörurnar, viðskiptavinina, núverandi gögn og hvað þarf að gerast til að verkefnið teljist vel heppnað.
- 02
Við teiknum upp kaupferlið
Við skipuleggjum vöruflokka, lykilsíður, söluhvata og leiðina frá fyrstu heimsókn að pöntun.
- 03
Við hönnum og byggjum
Við setjum verslunina upp í Shopify, aðlögum hana að vörumerkinu og vinnum sérstaklega með upplifunina í síma.
- 04
Við tengjum og prófum
Við yfirförum greiðslur, sendingar, mælingar og helstu kaupferla áður en verslunin fer í loftið.
- 05
Við byggjum áfram á gögnunum
Eftir opnun er hægt að fylgjast með hegðun, bæta það sem skiptir máli og tengja verslunina enn betur við auglýsingar og póstlista.
Algengar spurningar um Shopify vefverslanir
[ NÆSTA SKREF ]
Vefverslunin á ekki bara að vera til. Hún á að vinna fyrir þig.
Segðu okkur hvað þú selur og hvar þú ert stödd eða staddur í ferlinu. Við skoðum verkefnið og leggjum til Shopify-lausn sem hentar rekstrinum.