Ertu að boosta færslur á Facebook?
Svona nýtir þú auglýsingafjármagnið betur.
Gerður Guðnadóttir - markaðssérfræðingur með meistaragráðu í Brand and Communications Management frá CBS og víðtæka reynslu af vörumerkjastjórnun, markaðssetningu og efnisgerð.
Ertu vön eða vanur að ýta á „Boost post“ þegar þú vilt auglýsa færslu á Facebook eða Instagram?
Það er fljótleg leið til að fá fleiri birtingar, en ef markmiðið er að fá sölu úr netversluninni er boost-hnappurinn sjaldnast besta leiðin til að nýta auglýsingafjármagnið. Með rétt uppsettum auglýsingum í Meta Ads Manager fær Meta mun skýrari upplýsingar um hvaða árangri þú ert að leita að og getur unnið markvissar að því að finna fólk sem er líklegra til að framkvæma þá aðgerð sem skiptir þig máli – til dæmis að skoða vöru, setja í körfu eða ganga frá kaupum.
Boostar þú færslur beint úr Facebook- eða Instagram-appinu?
Það er mikill munur á því að boosta færslu og að setja upp söluherferð í Meta Ads Manager.
Boost getur hentað þegar markmiðið er einfaldlega að auka sýnileika eða fá meiri virkni á ákveðna færslu. Ads Manager býður hins vegar upp á mun markvissari uppsetningu þegar markmiðið er sala. Þar er meðal annars hægt að velja rétt herferðarmarkmið, mæla kaup og aðrar aðgerðir á vefnum, vinna með endurmarkaðssetningu og nýta vörulista netverslunarinnar í auglýsingum.
Það er líka mikilvægt að vita að 30% þjónustugjald Apple getur bæst við þegar færsla er boostuð og greidd í Facebook- eða Instagram-appinu í iPhone eða iPad. Gjaldið fer ekki í dreifingu auglýsingarinnar og skilar því ekki fleiri birtingum eða viðskiptavinum. Hægt er að komast hjá því með því að setja auglýsinguna upp í vafra í stað iOS-appsins.
Þetta á ekki við um allar Meta-auglýsingar sem eru unnar í Apple-tæki. Gjaldið tengist greiðslum fyrir boost í iOS-appinu. Engu að síður er þetta ein ástæða þess að það skiptir máli að vita hvar og hvernig auglýsingarnar eru settar upp.
Meta-auglýsingar virka eins og uppboð
Auglýsingakerfi Meta byggir á uppboði. Í hvert sinn sem tækifæri skapast til að sýna einstaklingi auglýsingu keppa margar auglýsingar um birtinguna. Kerfið metur meðal annars tilboð auglýsandans, hversu líklegt er að viðkomandi bregðist við auglýsingunni og gæði hennar.
Það þýðir að hæsta auglýsingafjármagnið vinnur ekki sjálfkrafa. Góð auglýsing, rétt markmið og traust gögn geta hjálpað litlu fyrirtæki að keppa þótt það sé ekki með sama fjármagn og stærstu vörumerkin.
Samkeppnin getur þó aukist verulega í kringum Black Friday og jól þegar fjöldi fyrirtækja eykur auglýsingakaup sín. Nóvember og desember geta því verið dýrari mánuðir í auglýsingakerfinu. Fyrir margar netverslanir eru þetta jafnframt mikilvægustu sölumánuðir ársins, svo lausnin er sjaldnast að bíða með allar auglýsingar þar til álagið hefst.
Byrjaðu að safna gögnum áður en stærstu sölumánuðirnir hefjast
Meta Pixel er settur upp á vefnum til að senda Meta upplýsingar um aðgerðir sem eiga sér stað þar, til dæmis þegar fólk skoðar vörur, setur þær í körfu eða kaupir.
Þegar Pixelinn og sölumælingar eru rétt uppsett fær kerfið betri upplýsingar um hvaða aðgerðir skipta fyrirtækið máli. Vélrænt nám Meta getur síðan nýtt þessi merki til að hámarka dreifingu herferðarinnar og leita að fólki sem er líklegra til að framkvæma þá aðgerð sem auglýsingin er stillt fyrir.
Þetta er þó ekki töfralausn sem tryggir sölu. Varan, tilboðið, auglýsingaefnið, vefurinn og fjármagnið hafa allt áhrif á niðurstöðurnar. Rétt uppsetning gefur Meta hins vegar mun betri forsendur til að nýta auglýsingafjármagnið á hagkvæman hátt.
Nú er því góður tími til að setja kerfið rétt upp, safna gagnlegum viðburðagögnum í gegnum Pixelinn og prófa mismunandi auglýsingar. Þá er ekki verið að byrja alveg frá grunni þegar samkeppnin eykst í nóvember og desember.
Tengdu vörulista netverslunarinnar við Meta
Fyrir netverslanir er sérstaklega mikilvægt að tengja vörulistann við Meta. Þá getur kerfið sótt upplýsingar um vörurnar, svo sem heiti, myndir, verð og lagerstöðu, og notað þær í söluauglýsingum á Facebook og Instagram.
Með vörulistatengingu er meðal annars hægt að sýna fólki vörur sem það hefur skoðað áður og birta sjálfvirkar vöruauglýsingar út frá áhuga og hegðun. Meta getur einnig valið úr vörulistanum þær vörur sem kerfið telur líklegastar til að eiga við hvern og einn.
Þannig verður auglýsingin persónulegri án þess að útbúa þurfi sérstaka auglýsingu fyrir hverja einustu vöru.
Ekki láta sömu auglýsinguna ganga endalaust
Jafnvel góð auglýsing getur misst áhrif ef sami hópurinn sér hana of oft. Fólk hættir smám saman að taka eftir henni og árangurinn getur versnað.
Við mælum því almennt með að yfirfara og uppfæra auglýsingaefnið að minnsta kosti mánaðarlega. Tíðnin fer þó eftir stærð markhópsins, auglýsingafjármagni og því hversu oft auglýsingin birtist sama fólkinu. Stór herferð fyrir lítinn markhóp getur þurft nýtt efni oftar, en auglýsing sem heldur áfram að skila góðum árangri þarf ekki að taka úr birtingu eingöngu vegna aldurs.
Regluleg endurnýjun getur falist í nýrri mynd eða myndbandi, annarri fyrirsögn, nýjum vinkli á vöruna, umsögn viðskiptavinar eða tímabundnu tilboði. Markmiðið er að halda efninu fersku og halda áfram að prófa hvað höfðar best til viðskiptavinanna.
Viltu nýta Meta-auglýsingarnar betur?
Marrland býður upp á umsjón með Meta-auglýsingum fyrir fyrirtæki sem vilja faglega uppsetningu, reglulega eftirfylgni og skýrari yfirsýn yfir árangurinn.
Í umsjónarpakkanum getur meðal annars falist:
- Uppsetning eða yfirferð á Meta Business Manager og auglýsingareikningi
- Tenging netverslunarinnar við Meta
- Uppsetning og prófun á Meta Pixel og sölumælingum
- Tenging vörulistans við Facebook og Instagram
- Uppsetning, vöktun og regluleg bestun auglýsingaherferða
- Mánaðarleg endurnýjun auglýsingaefnis
- Einföld grafíkvinna fyrir auglýsingarnar
Auglýsingakostnaðurinn sem greiddur er beint til Meta er ekki innifalinn í umsjónarpakkanum.
Hvort sem þú hefur hingað til aðeins boostað færslur eða ert nú þegar með auglýsingar í gangi getum við farið yfir uppsetninguna og hjálpað þér að nýta fjármagnið betur – áður en mikilvægustu sölumánuðir ársins fara á fullt.